_____
לְנַחְמָן הַקָּטָן שִׁיר.
יָרִיעוּ יוֹשְׁבֵי עִיר, שׁוֹכְנֵי אֶרֶץ יִפְצְחוּ אַמָרֵיהֶם.
הִנֵּה יִקְרְבוּ יְמֵי חַגֵּנוּ, יַגִּיעוּנוּ מוֹעֲדֵי אֵל.
יְסוֹבְבוּ יוֹנֵק עִם אִישׁ, בָּחוּר וְגַם בְּתוּלָה.
בִּרְחוֹבוֹת קִרְיָה יֵלְכוּ, צָעֲדוּ בְּתוֹכְכֵי עִיר.
לָקַחַת לְבוּשֵׁי מוֹעֵד, בִּגְדֵי שֵׁשׁ עֲדָיִים.
בָּשָׂר יִשְׁחֹט לְבֵיתוֹ, יַעֲצֹר שֶׁמֶן וָיָיִן.
לְהִתְעַנֵּג עַל תְּנוּבוֹת אֵל, לְמַעַן יָמֹצּוּ בְּיוֹם טוֹבִים.
וַיֹּאמֶר יֹשְׁבִי בַּמָּרוֹם, אֱלֹקֵי יַעֲקֹב סֶלָה.
מִקֶּדֶם הָיְתָה זֹאת, בִּימֵי אֲבוֹתֵיכֶם נֶעֶשְׂתָה.
הוֹצֵאתִיכֶם מִכּוּר עֲבָדִים, מִבֵּית פַּרְעֹה לְחֵרוּת עוֹלָם.
וָאֶשְׁלַח אֵלֵיכֶם משֶׁה עַבְדִּי, בְּחִירִי נִהֶגְכֶם בַּמִּדְבָּר.
וָאוֹמַר שִׁמְרוּ זֹאת לְעוֹלָם, מִצְוָתִי לְדוֹר וָדֹר.
מוֹעֲדִי אֲשֶׁר נָתַתִּי לַאֲבֹתֵיכֶם, יַחֲזִיקוּ בָּהּ לְעוֹלָם.
וְהִנֵּה דּוֹר אַחֲרוֹן לְפָנַי, יָמִים אֲשֶׁר לֹא שְׁעָרוּם אֲבוֹתֵיכֶם.
וַתִּשְׁמְרוּ מִצְוָתִי וְחֻקַּי, בְּמוֹעֲדַי תָּגִיל נַפְשְׁכֶם.
אָהַבְתִּי אֶתְכֶם אָמַר ה', בָּכֶם אֶשְׁתַּעֲשַׁע לְעוֹלָם.
הִנֵּה זֹאת תִּשְׁמְעוּ מְעַט וַיְהִי, יְמִינִי תּוֹשִׁיעֲכֶם סֶלָה.
בְּרִיתִי אָקִים לְזֶרַע יִצְחָק, אֲשֶׁר כָּרַתִּי עִם אַבְרָהָם.
קוֹלִי מִן הֶהָרִים תִּשְׁמְעוּ, לְהוֹשִׁיעֲכֶם כִּבְרִיתִי מִקֶּדֶם.
כִּי בָּא בָא גְּאֻלָּתְךָ, קוֹל דּוֹדִי הִנֵּה בְּפִתְחֵךְ.
אָמֵן וְאָמֵן.